شعر جميل في خوالي


اولا الخال لايقال فيه كلام بل يقال فيه شعر 
بعض الناس يريد ان يتكلم في خوالة ويمدح بالكلام وهذا غير منطقي فقط يقول شعر 
اختار بيت من ابيات الشعر الموجودة وارسله او ارسلية لخالك الخوال الطيبين يستاهلون الشعر


نبدا في ابيات الشعر

يا طيّب المنطوق ، يا طيّب الفال 
ويا ريحة اللي ما تفارق خيالي

مدّاح نفسه ما يجي راعي أفعال
لكــنّـي الليله أبا اشوف حالي 

أنا أشهد إني أطيب الناس يا خال
ما دام  قالو  طيبتي من خوالي

***

انشهد انهم لدروبي اسراج 
    وصيتهم يقطع بعيد الفجاجي

خوالي هم لراسي التاج 
      وانشهد انهم مرهم علاجي

يوم القاف كل على اج 
    محبوك مافيه ركه وانعواجي 

بحر شعري كله هماج 
             لوه من اطيب انتاجي 

بيوتي فيهم تصبح سماج 
        كيف عيني تعلا حجاجي

***

الله يبيض وجهه ابوي وين ما رااح
اللي جعلكم ياخوالي خوالي

***

فيني لـ اهل امي حب تعدى الكون
يعني 'خوالي ثم خوالي ثم خوالي

***

يوم كلٍ يتفاخر في خواله 
الفخر والعز لاطروا خوالي

كل منهم يرتقي القمه لحاله
موقع الاحرار بروس الجبالي

***

الــشعر لامـن طــلبته دوم لــباني
يجي مع هاجسي لو كان ماجيته

أعذب قصيد اكتبه في مدح خوالي 
اللي غلاهم سطى فالقلب ووحيته


***

انـــا طـلـبـت الـشـعـر يــومــه طــرالــي
قلـت اجتهـد فـي مـدح ذربـيـن الافـعـال

بـمـدح خـوالــي يـــوم صـــار المـجـالـي
اهــل الفـعـول الطيـبـه نـسـل الابـطــال

مـقـدمـيـن الـطـيــب عــقــب الــدلالــي
وصـحـون حـيـل سمنـهـا فوقـهـا ســـال

والــيــا الـفـخــر لاقــلــت ذولا خــوالــي
منصى الضعيف اللي حداه اشهب اللال

واخــص فــي مـدحـي فـريــد العـيـالـي
حـــرام مـثـلـه يـاعــرب شـفــت رجــــال

هــــذاك ابـونـاصــر كــريـــم الـسـبـالــي
هــداج تيـمـاء فـيـه مــن وصـفـه خـصـال

لــه فــرق واضــح بـيـن كـــل الـرجـالـي
بشاشـة فـي الـوجـه مــع طـولـة الـبـال

وان قـلــت مـهـمــا قــلــت يـاهـمـلالـي
اصــلا بـيـوت الـمـدح تـوقـف لــه اجــلال

يامحـمـد اعـذرنـي عـلـى كـــل حـالــي
انــي اختـصـرت الـقـاف يـاطـيـب الـفــال

عــشــرة بـيـوتــا بـالــعــدد والـكـمـالــي
عـشــرة بـيـوتـا قـلـتـهـا فــيــك يــاخــال

***

سلام يارمزالكـــرم يالسلاطيــــن
وشـلون مـافخردام انتـم خــوالي 

ماقـولها مجــــامل ولا طـالب شين
ماغــير اقـول اللـي يـدوربخيالي

الطيــب واضـح ياخـوالي مـن سنين
أ فخـربكم وافخربربعي وحـــالي

انتــــم سندللـــي يبي له معينين
وانتـم سـهام المـوت والـراس عالي

وقفاتـكم مـاتـنسي بالمـياديـــن
سـاسن رفـيع ومـنزل بالــعلالي

من مـاضـي الأزمـان وانــتم وفيين
وقــلوبكم بيــــضاءمن اول وتالي

***

يحق لي افخرخـــوالي ســـلاطين
اســمن عـلى مسـمى فديت الخـوالي

ماقـلتهامــنضام اوشاكي ديـــن
اقـولها وكــلي فخــربالـرجـالـي

ان قلت ســلطاني له الـطاري الزين
صـــــيته يزلزل شــامخات الجبالي

ضعيفهم مايشكي الفقروالــــبين
عـــنده رجـال اهـل الـيمان الطوالي

من طـــيبهم ترجح جميع الموازين
ومـــــتقاسمين مجــدهم والمــعالي

يستاهلون الــمدح للـمدح زاهين
ويســتاهلونه يــوم جــاله مـجالـي

****

لبيك ياخالي / ولا قلت ... لبيك 
إلا لـ أبوي ومن ورى ابوي / خالي


اسوق لك روحي على راحة أيديك 
واجيك كلي / يابعد كل . غالي


ازعل جميع الناس من شان اراضيك
وازعل اذا مـ اكفاك ياخال / حالي


مبداي واضح مـا يخالف مباديك ..
وصدري على خبرك وسيع وشمالي 

لو غبت عن عيني فلا غاب طاريك 
دايم نصايحك الثمينه . فـ بالي 


افخر بك واقصد قصيدك وأغنيك 
وأرقى بـ ذكرك فوق روس العوالي 


حاضرك يحكي لي تفاصيل ماضيك 
ياتاج راس المجد .. ياراس مالي


لو شفت قدرك في حنايا محاكيك 
ماكان قلت اني بـ غيبتك سالي 


وينك .. صداها من هواجس بناخيك 
قصيدةٍٍ تدوي ... بـ صدر الشمالي


مضمونها لبيك / لبيك / لبيك 
ولاَ تقال الا لـ ابويه ... وخالي 

***

ســلام ياخـالـي ولــد خـالــي الـخــال 
اللـي وفـاء بحقـوق مــن صــار خـالـه

عـــزالله إنــــك خــــال يـاطـيــب الــفــال
ونـعـمٍ بـخـالـي كـــل مـاجــاء مـجـالـه

مـعـقــودةٍ بـفـعـولــك أمـــــال وأمـــــال
يـاســالــكٍ درب الــشـــرف والــرجــالــه

أنــت الــذي فعـلـك نـفـل كــل الأجـيـال
تـكــرم كـــرم حــاتــم وتـفـعــل إفـعـالــه

ساس الوفاءوالطيب بك يابن الأبطال
عـيـال غـــادن يـاعـسـى الـخـلـد فـالــه

فيكـم كـرم للضيـف مـع زيــن الأفـعـال
وقـــت الـمـعــارك والـظـفــر والـشـكـالـه

وأنتـم هــل الفـزعـه كريمـيـن الأسـبـال
أهل الصخاء والجود وأهل والجماله

أبــو **** لاجـــت بـالإقـفـا والإقـبــال
يرسـي كـمـا تـرسـي رواســي جبـالـه

حــــلال قــــالاتٍ عـريـضــات وطـــــوال
عـــون الـرفـيـق وســــم راع الـضـلالــه

ماهـو مـن اللـي مـع هـل الـدار مـيـال
يـحـلـهـا بـحـكــم الــشــرع والـعــدالــه

جعـل الولـي يحمـاه مـن كــل الانـذال
والـلـي يـعـادي لـــه تصـيـبـه بـحـالـه

ونايـف أبـو مشعـل للأشـراف مدهـال
ولأهــل الـكـرم والطـيـب يـازيــن بـالــه

بـــه مــيــزةٍ مـاتـوجــد إبــكــل رجــــال
حـــب الـرفـيـق وحـــب مـنـهـو عـنـالـه

وكـلـهـم وافـيــن مـاإحـتـاجـوا إكــمــال
الــكـــل مــنــهــم وافـــيـــاتٍ خــصــالــه

وأنـتـه يابوليـلـى بــك الطـيـب مــازال
فـعـلـك بـــه إيـبـيـن الـوفــاء والكـمـالـه

وفـهـد وخـالـد والنـعـم فـيـهـم إرجـــال
نسـل الرجـال أهـل الأصــل والأصـالـه

وسـطـام لامـنـه حــداك أشـهـب الــلال
تلقـى السـعـاده والهـنـاء فــي قبـالـه

وتــركــي كــريــمٍ مـاخـذاقـلـبـه الــمـــال
يــبــذل ولاهــومـــن ربـــــوع الـنــذالــه

وجميع منهو يافتـى الجـود لـي قـال
تـــراي خـــالٍ لـــك وانـــا مــــن عـيـالــه

وأطلـب عـن الـزلـه سموحـتـك يـاخـال
ياوافـيـنٍ بـحـقـوق مـــن صـــرت خـالــه