اجمل شعر عن النار


لشبّة النار عند العرب معان سامية ونبيلة فهم يوقدونها للتنبية للمارة بأن فلان شاب نارة بمعنى حياك على القهوة


وعندما يُهجى أحدهم يقال له ( يا طافي الضو , ميت النار ) او الله يطفي ضوّك (الله يذبح نارك) أو ناره رماد وهي من عادات الاجداد وعادات الى اليوم ومن هنا قالو فيها الشعار الكثير من الشعر 


لا ضاق صدري قلت شبوا لي النار
سويت كيف مـا يسـوى مثيلـه 
حمسـت بريـه وناديـت ببهـار
ماها قـراح جايبـه مـن ثميلـه 

***

ياما حلا عقب العصرشبة النار
في مجلسٍ كل النشامـا يجونـه 
يلفونه اكبارٍ ويلفونه إصغـار
من طيب من هو فيـه ويقدرونـه 
في بيت ماحطوا له آبواب وآسوار
ذراه من صوف الغنم ينسجونـه 
هذي طراة الروح لا صرت محتار
آخيِر من بيـتٍ هَلِـه يزلجونـه

***

لا ضاق بالي والهواجيس وردن
النـار شبّتهـا بدايـة عـلاجـي 
والبن بالمحماس والنـار تلسـن
نـارٍ تزايـد جمرهـا بوتهاجـي

***

يا كليب شب النار يا كليب شبّه
عليك شبّه والحطب لـك يجابـي 

***

ياريف قلبي للمسايير قـم شـب
وحط المناره في طويل الظلالـي 
عقب تشق الها لجزل الحطب جب
وهات النجر واحضر جداد الدلالي

****

ألا يـا زيـن شبـت النـار وادلال
ادلال صفر ابهارها طيّـب الهيـل 
في جال غرمولٍ حمر يشرح البال
جوّه براد ومرتـوي خـدّه السيـل 
الله يجيب العشب والخيـر منهـال
على بـلادٍ توفـي الحـق والكيـل

***
ياما حلا عقب المطر شبت النار
في روضة فيها شذى الورد فاحِ

ألا يا زين شبت النار وادلال
ادلال صفر ابهارها طيّب الهيل

في جال غرمولٍ حمر يشرح البال
جوّه براد ومرتوي خدّه السيل

الله يجيب العشب والخير منهال
على بلادٍ توفي الحق والكيل

***

ياما حلا عقب العصر شبة النار
في مجلس كل النشاما يجونه

يلفونة اكبار ويلفونه إصغار
من طيب من هو فيه ويقدرونه

***

هبت هبوب الشمال وبردها شيني
ماتدفي النارلو حنا شعـلناها

مايدفي الا حضن مريوشة العيني
والا ضمينا شربنا من ثناياها

***

قصيده للشاعره بخّوت المريه

عيدوبي في الخلا والفريق معيديـــن
كل عذرا نقّشت بالخضاب كفوفها

ياجماعة وان نويتوا بانكم راحليــن
غموموني عن مظاهيركم لا شوفها

كن في صدري سنا ضو ربعآ نازلين
عرضوها في الخلا للهبوب تلوفـهــا

***

عبدالله بن عون
يامل قلبآ يسج وفيه دولاجـــــــه 
من هاجسآ بالضماير قام يدلجها

مغير اهوجس تقول مضيعن حاجه
واخذ واسند على روحي واهرجها

عليك ياللي بقلبي كن وهاجـــــه
وهاج نارآ هوى الغربي يسارجها

***

ياحلو في بيت الشعر شبة النــار
لا صار مبنيآ بعرض الزباره

زبارة فيها من النبت نـــــــــــــوار
فيها نبات الوسم يعجب خضاره

ويردم حطبها عرض ماهوب بوجار
ماهوب في دارآ صغيرآ وجاره

***

وماقاله المرحوم محمد السديري

ياعمير شب النار والسمر صفه
صفصف عليها السمر من زين الاخشاب

وايضآ:
تسابقن قلبي هواجيســـــــــــــــآ ارداف
الليا طال وحن قلبي على الكيف

وناديت من حولي يعجل بالاســـــــــعاف
يشب نار دلال بيضآ مزاهيــــف

ياحسين شب النار واسرف بها اسراف
حتى يصير الجمر فيها مشانيف

***

المرحوم تركي بن حميد

ياماحلا في وقت الاسحــــــــــار
جر الفراش وشب ضو المناره

مع دلة تجذى على صالي النار
ونجرآ الى حرك تزايد عبــــاره

***

صفحة خزامى تهيض الروح يا رجال
قامت تحرك فالمشاعر تماثيل

ألا يا زين شبت النار وادلال
ادلال صفر ابهارها طيب الهيل

في جال غر مول حمر يشرح البال
جوه براد ومرتوي خده السيل

الله يجيب العشب والخير منهال
على بلادٍ توفي الحق والكيل

***

يا زين مجلاسك اليا صرت ولهان
في ديرة تشفي القلوب العليلة

وشبيت ضوك بين طعس وغدران
ومركي معاميلك بذيك الخميلة

والارض خضراء وعشبها باذره بان
اسقت مسايلها سحايب مخيله

احسن من مغالطك لفلان وفلان
ناس تكبر في نفوساً ثقيله

***

بهر لنا الدلة ترى الرأس محتاس
حتى انتعش واعطيك زين العلومي

فنجال فيه الهيل عطر بالأنفاس
على حطب رمث يعطر هدومي

ياحلو فنجاله والارياق يباس
هو لذة للكيف يطرد همومي

يارب يا رحمن يا رازق الناس
ترزقنا في خيرٍ علينا يدومي

***

جلسة يا زينها والنار حيه
وسط جو يعجبك حول الرفاقة

تجمع الخلان والغالي عليه
ودلتي حولي ولالي عن فراقه

بالمساء والصبح ولا بضحويه
عادة لي واصبحت عندي عشاقه

ذي سلوم من مشاها واهنيه
الكدر منبوذ واسلوب الحماقة

***

هيظتني شوفة النار مشبوبة
والدلال البيض من صنع بغدادي

زين شوفتها على الجمر منصوبة
وزين صوت النجر يوم انه ينادي

جلسة فالبر للقلب مرغوبة
مع عريبين النسب والقمر بادي

القهاوي عند اهل نجد مشروبة
وارثين الكيف من سلم الاجدادي

***
لو خيروني بين فندق بباريس
ولا مقابل ضو يعجب سناها

والله فلا ابغي غير كسب النواميس
الدولار يعجز لو كثر ما شراها

وفنجال يطلق للخيال الهواجيس
مشاعر اصفى من الماء بهاها

***

أبدا باسم ربي المعبود سبحانه
الواحد الخالق اللي مامعه ثاني

في شب ناره بصحراء صحت ابدانه
من شفت صفت دلاله صوت ولهاني

ان تحمس البن لا نيه وحرقانه
وبهر برسلان تجلا كل عمساني

من روضة كل زاهر بانت الوانه
فيها ام سالم تغني كل الالحاني

***

يا زين شب النار والرمث مشموم
في ليل اسود غير قمراه تضوي

واسمع عوي الذيب لا صار مهموم
يعوي يجر الصوت والصوت يدوي

واتابع النجمات في خيال مركوم
واسامر الجمرات والشعر يروي

احب فز الطير لا صار مكتوم
راسه على العليا ولا غير ينوي

**

يا ولد لا لا تشخص وافتهمني
والله انك شارد فعلك يحير

يا ولد خلك شقردي واستمعني
قرب الدلة وصوت للمسير

***

شب نار الكيف وادلاله ركاها
ويتحرا الذود لاجت هادفاتي

عنده ابكارٍ تربح من شراها
اعتبرها فالمزاين فايزاتي

راعي الثروة ايلامنه لقاها
كان ما نصب له البياع ماتي

كم زبونٍ باع ملكه واشتراها
مكسبه مليون ماهو بالمياتي

***

يا محلا شوفت المعمال
والنار بالسمر مشتبه

والنجر صوته جذب الابطال
دنه فتا دوم يطرب به

ويا محلا شربة الفنجال
حل العصر زان لي صبه

عده على طيبين الفال
واللي لي جا الضيف رحب به

في وادي قبل يوم سال
على المطر زايف عشبه

***

يا جاسر شب النار وحذر تماهن
عرض لها خشايباً يشعلنه

احمس اليا من احمر الجمر بين
بشا ميتاً ما له عن النار كنه

وفي حمسة البن اليماني تفنن
حذراء العرق ولا نياه المشنة

دق بدمشقي يجذب الجار لادن
ضلوع ذئباً يا عوى جاوبنه

***

النار والمحماس نجر ودلة
في خايع توه من الغيث ممطور

تجلا صدا كبد بها الفين علة
زود غثاها نومة الصبح بالدور

من عاش هم وشاف ضيق ومملة
ترى اعلاجه ما يبي وصف دكتور

شوف الخضار اللي حوى الطيب كله
اعصير والا الصبح مع طلعة النور

***

يا حلو شب النار في بر الاقفار
وردم عليها من عضود الهشائم

وناستاً مامر مثله ولا صار
في روضٍ اخضر وجمل الطقس غائم

ركب البريق وحط بن بمقدار
بثلاث بغدادٍ عليهن لقائم

وبهر بهيل وزود الهيل مسمار
طب القلوب اللي بها الهم دائم

***

يا كليب شب النار يا كليب شبه
عليك شبه والحطب لك يجابي

الوالمه يا كليب عجل بصبه
والرزق عند اللي ينشي السحابي

حنا علينا جيب ماها وحبه
وعليك تقليط الدلال العذابي

ادغث لها يا كليب من جزل خبه
وشبه الى منه هبا كل هابي

باغي إلى شبيتها ثم قبه
تجذب سراة من بعيد غيابي

بنسرية يا كليب صلف مهبه
متلطمين وسوقهم بالعقابي

صبه لقرم صرفته ما حسبّه
يوم البخيل مدنهر الوجه هابي

وعده عن اللي ما يداري المسبه
اللي يدور بالقصي الغيابي

لا جاضع المتروع خطو الجلبه
يا حلو تالي الليل خبط الركابي

اقحص لهم وابدي سلام المحبه
لا شح بالهين كبير العلابي

***

قم سو فنجال ونظف أدلاله
ريحه لراعي الكيف يجلي اعماسه

اشعل ولونه مثل دم الغزاله
لاذاقه الراقد يحارب انعاسه

في مجلس تدله الى جاء مجاله
اللي عن اللجات يقصر حساسه

والا ترا بعض المجالس عذاله
لا معشر طيب ولا فيه اناسه