شعر حزين عن الفراق والوداع


قلت الوداع.... وجاوبـت دمعـة العيـن 
تجـرح.... بساتيـن الخـدود... النديـه 



واغضت..وشفت بعينهـا الحزن..حزنيـن
وصاحت ..على الفرقا ...انـا مـو قويـه 


وجاوبتها....ارجـوك ..تكفيـن.. تكفيـن 
والله دمعك....يشعـل النار...فـيّـه 


وقالـت ...تعاهدني..عـهـاد المحبـيـن 
الله يخـون... اللـي يخـون ...بخويّـه 


قلـت ابشري...واللـي خلقـك لاتظنيـن 
حرام...ماغيرك...عشقـت ..آدمـيـه 


وقصّت شعرها...قلت انـا..وش تسويـن 
قالـت ابـي ..مـن غرتي....لـك هديـه 


ونادتنـي الغربه...علـى الهـم والبيـن 
احسّـب الأيـااااام... روحـه... وجيّـه 


وفي كـل ليله...ترتسـم بيـن رمشيـن 
خيالها...بيـن الـرمـوش... الشقـيـه 


غربة سنه...فـي ذمتـي غربـة سنيـن 
متى علـى الله.. يلتقـي الحـي... حيـه 


خلاص...هانت...مابقـى غيـر يومـيـن 
خـلالالالاص ... قفّت..غربـةٍ جرهديـه 


ورجعت....شوقي في خفوقي... براكيـن 
ورجعـت انـا... كلـي لها....جاذبـيـه 


وسألت ما ردّوا...وانا اصيح هي..وين !!! 
وكلٍ نثر... مـن داخـل العيـن... مَيّـه 


وفـي معمعـة حزني...تلقيـت رمحيـن 
قالـوا توفـت ..غافلتـهـا ...المنـيـه 


وفـي غرغرتها...ماذكرت...غيرحرفيـن 
تشهـدت بسـمـك... شـفـاه البنـيـه 


وتزاحمـت فـي داخلي...ألـف سكـيـن 
والحزن..يطويـنـي ثمانيـن....طـيّـه 


صدمه..وجابتنـي علىالارض..نصفـيـن 
وشلـون راحـت دون... ذنـب وخطيـه 


تكفون....دلـونـي علىالقبر..هالحـيـن 
مـاعـااااد فيـنـي للصبر....مقـدريـه 


ووقفـت اطالـع قبرها...بيـن نصبـيـن 
وجلست..اضـم اغلـى النصايـب عليّـه 

واصيح....وش بك يا غلا.. مـا ترديـن 
اشتقـت.. همس..إشفاهك...النرجسـيـه 

وش فيك...جيت من السفر...مـا تهليـن 
ماهي بلك عـاده....ولا انتـي... رديـه 

وحاولت في لحظة جنون...اجـرح الديـن 
وازيـح تـربـة قبرهـا....فـي يـديّـه 

وبالغصب شالوني...حشـا تقـل مسكيـن 
واصـرخ بهم...وقول...وقول والله حـيّـه 

اقفت...وتاهـت بـي جميع..العنـاويـن 
والحـزن يلعب...داخلـي ....سامـريـه 

ورجعت لـدروب الشقـا.. قبـل عاميـن 
مدري مـن اللـي صـار.. فينـا ضحيـه 


خسارة

أنا من بعد هجرانك أبنوي أهجر إحساسي 
أبطوي صفحةٍ في كتاب عمري ما قريتيها 

أبخفي مرسمي الشّاهد على ظلمك وكراسي 
أبحرق كل أوراقه ويعْلك ما طفيتيها 

كفا يا بنت من حبٍ حبسلي باقي أنفاسي 
قسى وأقسى خفوقٍ، خفْقته إنتِ حيّيتيها 

أببعد لو يلوموني في بعدك ربعي وناسي 
أببعد خطوةٍ سهلة، وصعب إنّك فرضتيها 

وبحسب باقي الأيام من عمري وهوجاسي 
ترى موتي دنا، وإنتِ خسارة ما حسبتيها 

خسارة إنّي كتبت الحبّ باسمك وإنحنى راسي 
وأنا ما قد حنيت الرّأس إلّا للْمسويها 

***

أحبّك من هنا لآخر محطّات الغلا لهناك 
أحبّك كثر ما يهوى رضيع الصّدر غفواته 


أحبّك يا بعد كل الحروف وعلّها تفداك 
أحبّك يا بعد بيت القصيد وكلّ غاياته 


أحبّك يا بعد عمرٍ قضى منّي على ذكراك 
أحبك يا بعد من داج بالدّنيا بخطواته 

أحبّك يا دفى برد السّنين إليّا غفت بحماك 
أحبّك يا أمل عمر الوحيد ويا بعد ذاته 

أحبّك يا بعد قلبٍ نزف كل الغلا لرضاك 
أحبّك يا بعد كل العيون ونزف دمعاته 

أحبّك كثر ما تبرى جروحٍ لامست يمناك 
أحبّك كثر ما يلجا فقير الحال لسكآته 

أحبّك بس لو تعرف وش اللّي بالحشا ينخاك 
وربي لو كشفت اللّي بقلبي، مت لرضاته 

أنا وشلون أبيّن لك غلاك ولهفتي للقاك 
أنا وشلون أعبّر لك عن اللّي بين طيّاته 

أنا لو قلت لك ببعد وأبرحل وأنتحي وأنساك 
لساني وأعرفه لا زلّ يا شينه بزلّاته 

تعال أرجوك شفني من رحلت وعبرتي تنعاك 
تعال وظمّني يا حي ذا الطّاري وظماته 

تعال وداوني، واللّي خلقني يالدواء بشفاك 
يقولون الجمر طب المريض بحر كياته 

تعال وخل عنك الصّد والهجران ما يزهاك 
حلاتك توصل اللّي يم دارك زاد جياته 

أنا واللّيالي وأبيات القصايد في أمل لقياك 
أقول الشّعر واللّيل الحزين يعدّ نجمآته 

نعزّي نفسنا ننطر تسابق لهفتك وخطاك 
نقول ان الخطى تقصر ولا تسبق للهفاته 

أماني عاشت بصدري أغاني داخلي تهواك 
تموت ان غبت وإن ردّيت عاش اللّيل وأبياته 

أنا مقدر على بعدك على صدك على فرقاك 
يموت بغيبتك قلبٍ نزف لك حرّ حسراته 

دخيل الصّبح في وجهك دخيل اللّيل لا غطّاك 
دخيل الرّمش لا سيّر على خدك بسجاته 

دخيل الجمر والسُّكردخيل البلسم الفتّاك 
دخيل اللّي تثنّى لين عذبني برقصاته 

أمانة ترحم اللّي شاف منّك صدتك وجفاك 
دخيلك تدمح الزّلة وغلطاته وهفواته 

التّجارب

التّجارب حبيبي السّابقة 
علّمتني وأنا منها أستفيد 

كلّ دم بعروقي حارقة 
مثل ما تحرق النّار الجريد 

تو تصحى عيون غارقة 
بحلم كاذب وتحقيقه بعيد 

ما أشحذ الحبّ ولأنّي سارقة 
مثل كلّ البشر أعشق وأريد 

منّك قلبي همومك طارقة 
يطرقه مثل طراق الحديد 

أنت جرحي وعذابه عاشقة 
لين سيلت دمي من الوريد 

روح عني ودربي فارقة 
يوم غدرك تبين لي أكيد 

أنت غيم الصّيوف وبارقة 
لو يرش الصحاري ما يفيد 

يا سخيف الذّرعان

قصيدة المرحوم بندر بن سرور العتيبي
عندما طرق الباب على احد معارفة 
وفتحت الباب بنته واسألها ابوها مين الطارق 
قالت المرجوج وقال هذه القصيدة

يا سهيف الذّرعان مأني بمرجوج 
رجتني الدّنيا غدر وحيله 

يا بنت لولا اللّي على تاسع الفوج 
تركت نجد وعزوتي بالقبيله 

لا شك حاديني على نجد هيدوج 
مسقي الفيافي لين يدرج مسيله 

تركي ليا من اللّيالي غدن عوج 
حمله عتيبه كلها ما تشيله 

برسي كما ميناء البواخر على الموج 
ومن وين ماصك البحر يرتكي له 

مادام تركي حيء ماودي ادوج 
وإن غاب غبت مع الرّجوم الطّويلة 


حبيبي نام يا عمري

حبيبي نام ياقلبي على صدري وصارحني 
وفضّ الصّمت باحساسك وخلّ الحبّ لي يجري 

وفضفض لي بعد عمري وعاتبني وفهمني 
أنا أطري على بالك كثر ما أنت عليّ تطري؟ 

تعال أقرب من أحضاني ترى خدّك مواعدني 
يبي يلامس شغف روحي ويقطف بوحي من شعري 

تعال أنثر هنا ليلك وخلّ ويلك يولّعني 
أنا أحبّك وأبي قربك ترى منّي قضى صبري 

أنا نبضك زهر أرضك وأنت؟ إيه تملّكني 
بنحل خصرك..جمر ثغرك وزود بلونك الخمريّ 

تتوهّني تغرّقني ومن بردك تدثّرني 
وتبكي لي وتشكي لي وله قلبك ومن سحري 

أبي دموعك مع أنفاسك بصدق الود تحرقني 
وأبي عطرك مع سحرك وآهك بالحشا تسري 

أبي همسك يبعثرني غلا ولمسك يلملمني 
وأبي عيونك من عيوني تذوب من الولع كثري 

وأبي عهدك مع وعدك وأبي كلك تسلمني 
أبي أيدك تسافر بي وزهر قدك يلحفني 

وأهيم بعالمك عاشق جنوني أنت وأنت بي تدري 
تشوف الجمر بعيوني؟ تشوف الشوق جنني؟ 

أجل تدري مثل ما أدري بأنك حلمي يا بدري 
حبيبي قوم وصارحني عن احساسك وعلّمني 

أنا أطري على بالك؟ كثر وما أنت علي تطري؟ 


***
نضحك وفـ الدنيا كثيرين يبكون
وإذا اضحكوا في يوم حنّا بكينا

أحوالـنـا في كـل ليلة .. لها لون
مـرّة : لنا الـدّنيـا .. ومرّه عليـنا

***

يازين الحياة ايام بيت الشعر والطين
 قبل عصر موضات السراميك والفله

مكنا على تالي هذاك الزمان الزين
 وياليتنا عشنا هذاااك الزمن كله

***

مديت كف الوفـا واثـر الوفا مايفيـد
في ناس ماعـاد طيبك يملي عيونها

لا بارت الأرض لا ترجا وراها حصيـد
وش فايدت هالشجر لايبست غصونها

***

مابغيت المفارق / بس غصبٍ علي !!
حدني ظرفي الي / حد غيري كثير !!

يالله إنك تعوضني على كل شي !!
شاب راسي من الدنيا / وتوي صغير

***

يا هاجِري ظُلماً بغيرِ خطيئةٍ
هل لي إلى الصفحِ الجميلِ سبيلُ؟

ماذا يضُرّك لو سمحتَ بنظرةٍ
تحيا بها نفسٌ عليك تسيلُ..! 

***

لا جابوا اخباره وطروا سيرتـہ
لجت معاليق الضماير مرحبا

وجاني حنين المغترب عن ديرتـہ
والشايب اللي حن لـ أيام الصبا

***

لا تعب قلبِكْ مــِن الدِنيا وضَاق
لاتبيّن حتَى لـو جرحك عميق

عز نفَسِك حتى لو شِفت الفراق
موت شامخ يارفيقي لا تضيق..!

***

مآطاح في قلب آلغلآ غير الأوجآع
ومآ شآلت كفوف آلندم/غير ضيقه

آثر آلغلآ لا زآد عن حدّه .. أنبآع
مثل آلدفى لآزاد .. يصبح حريقه

***

ياللي تقول البرد جمد عظامك
افرح ولا تصبح من الجو مستاء

لو ذقت ماا جاني .. تغير كلامك !
برد المشاعر غير عن برد الاجواء

***

استريحيى يا عيـوني واستكنّي
مابـه  الا  ما  كتبه  الله  علينا 

لو  نحصّل  ما  نحبه  بالتمنّي
كان كل اللي  نحبه  في  يدينا

***

لو ان الحسافه والندم تمسح اللي فات
وتشــــفع لحاضرنا وتغفر لـ ماضينا

صرفنا الحسافه كلها والندم "بالذات"
على اللي نعلمه الرمـــــايه ويرمينا

***

أخذلـوني  وضيقـوا كـل الأمــاكن !
وشرهتي توصل لحنجرتي و تاقف 

كانـوا أقـــرب من زرار الثوب لَكن ؟
طيّح الله حــظهم" عند المواقف !

***

مـن فراقك مالقيت ايات شيٍ اقسى ؟
صدتك توجع ودمعي لاذكرتك ماطر

لاتقـول : اني مـع الأيام أكبر وانسى
وانت حاجه لو اشيّب باقيه فِ الخاطر

***

ستر المواجع داخل القلب راحـه
لـو يمتلي صــدري بها ماتكلمت

ماهو جديد القلب يخفي جراحه
ولاهو غريب الضحك مهما تألمت

***

قـل /للـمصاايب /والعنا /والغرابيل
تـرى شـربنـا مـرهـا /وارتـووينا...!

وقـل للضلوع العــوج تبقى مقافيل
بنموت و لغيـر الولي مـا شكينا.....!!

***

قـرب تعــآل ورتب أوجــآع الأيآم
يمكن تعرف أسبآب صمتي ورآهم..

أنـآخســـرت أحـبآب وأيآم وأحلآم
مآ عاد تفـرق لوخــسرتك معآهم ..!

***

نبتسم حتى لو إن الحلم : تآلف
نزرع :الآمآل لــكن ؟ وش جنينآ

ننجرح ونقول : عآدي مآ يخآلف
وكل جرح ؟يوصي الثآني : علينا

***

ياكثرالكلام اللي ورا صمتنا محبوس
بعد يبست أرياق الوفا في حناجرنا

قنعنا من الدنيا وعطانا الزمان دروس
عسى الله على بعض المعارف يصبرنا

***

لا هز قلبك من ظروف الزمن ظرف
تلقى من أهـل الطيب من يخدمونك

وأطيب من اللي يخدمونك على عُرف
اللي يخدمونك ولا يعرفووووونك..!

***

الله من رقم ن له شهـــــور مادق
ما يتصل حــــتى الرسايل نساها

اخطى بحقي راح وانا أطلبه حق
نسى الامانه والمحبه نساها....!

***

أبتسـم للنـاس وأضحـك للحيـاه
ولو تضيق اليوم قل : بكره تزين

أعــرف أن اللـه وحـده لا سـواه
قـادر إنـه يبهج الصـدر الحزين

***

بـ نفوسنا رغبه وفي وجيهنا دمّ
لو تبســط الحاجـه لنا راحتيـها

ان وافقـت بـ العــز قلنا لها تـمّ
وان كان فيها ضعفنا ؟ مانبيها

***

على غثا الدنيا ترى الصبر مطلوب
واجه عناء الدنيا بصبر وعزيمه

ياالله ترزقنـا مثـل .. صبـر آيووب
صبراً تواليه .. الفـرج و الغنيمه..!!

***

تشوف فزعة شخص ماهو على البال
واللي تهقوا به .. يسوق / اعتذاره !

واللي توقف له .. مواقيف الأبطال ؟
يقعد ، ويشمت فيك خلف الستاره !

***

الذاكره عاجزه .. تستوعب الغايبين !!
وأنا تعبت أنتظر ، ما ودهم يرجعون ؟

مدامهم عن حياتي : لـ الأسف راحلين
عن ذكرياتي وحنيني ليه ما يرحلون ؟

***

ما طلبنا الناس مدح ولا شفاعه 
ولا نمن  بشي .. لا منا عطــينا 
.
نفعل المعروف من طيب و قناعه 
ولا رفضنا شي / ما يفرض علينا

***

في الوداع الاخير اللي يقص الظهر
بين دمع الكلام و بين صمت ٍطويل

يوم كانت تذكّرني ( دعاء السفر )
كنت اردد على نفسي دعاء الرحيل

***

لا تنادي المقفي خل قلبك قوي
           إدع له بالسلامه وإدع له بالهنا

ما يزيد المواجع غير غدر الخوي
         وما يحر المدامع غير فرقا الظنا

***

بانت خفايا ناس كانو عزيزين
جابت لنا الايام .. ماكان فيهم

ماني معاتبهم ، عتاب المحبيّن
الله يسامحهم ، ويـستر عليهم

***

نبتسم حتى لو إن الحلم : تآلف
نزرع :الآمآل لــكن ؟ وش جنينآ

ننجرح ونقول : عآدي مآ يخآلف
وكل جرح ؟يوصي الثآني : علينا

***

اليت مجروح الهوى جرحه يشاف
لقول : قرب من جروحك ، وشفهـا

شفها بـعينك كانك من الله تخاف !
حـاول تصلح .. غلطـتن ، مقترفهـا

***

الله معك والسموحه وانتبه للطريق
مدام نفسك على درب الجفا ضاميه

علمتني طعنت المقفي وغدر الرفيق
وعلمتك ان النفوس الساميه ساميه

***

سفى الوقت يالقاطع على بابك المغلوق
وانا مؤمن إن بابك ماهو باب للجنّه

تضيع المحبه يوم تهمل شعور الشوق
مثل ماتضيع أغلى العطايا من المِنّه ..!

***

يآ سـآتر آلحآل لآ تكشف لنآ خآفي
لـ عيون الأصحآب ولآ عيون شمآته

يضحك على ونّة آلمجروح مـتعآفي
و يشعر بهآ وآحد ، عآنَـى معآنآته!!

***

العيش والملح والصحبه عليها السلام
شفت اكــثر الناس ماتوفي مواجيبها'

وقت المصالح صداقتهم عليها الكلام
ولا راحـت المصلحه كثرت عذاريبها

***

مافات خله و?تهـــــتم من باكر 
واغنم من اليوم ماساقت توافيقه

الله على مايفرج كربتك قــــادر 
والله له الحكم في دبرة مخاليقه

***

قال اللقاء .. قلت كذبه  لاتصدقها
لا والله إلا الفراق .. اللي عزف فنه

ثلاثه أحلام .. لا يمكن ..  تحققها
حلمي وحلمك /وحلم ابليس بالجنه

***

استريحيى يا عيـوني واستكنّي
مابـه  الا  ما  كتبه  الله  علينا 

لو  نحصّل  ما  نحبه  بالتمنّي
كان كل اللي  نحبه  في  يدينا

***

لو ان الحسافه والندم تمسح اللي فات
وتشــــفع لحاضرنا وتغفر لـ ماضينا

صرفنا الحسافه كلها والندم "بالذات"
على اللي نعلمه الرمـــــايه ويرمينا