احلى شعر غزل




ياناقـش الحنـا علـى صفـحـت الـيـد
حـبـك نقشـتـه فــي حنـايـا فـــؤادي

عـلـى قـفـا يمـنـاك حـانـي ومـسـود
وأنـا علـى عينـي سـوات السـوادي


ويفوح من ردنـك كمـا العـود والنـد
ولاشــــذا وردٍ عــلــى جــــال وادي

قض الشعر خلـه علـى المتـن يمتـد
حـتــى يـقـيـدنـي ويـحـكــم قــيــادي

تمـزح وتلعـبـي وهـمـي عـلـى جــد
مثـل الـزمـان الــي يــدور أعـنـادي

من كثر لعبك معرف الوصل والصد
ولا عـرف ان الوعـد وعـدٍ وكــادي

تحكـم بلـد ماتاخـذ الشـور مـن حــد
تحـكـم بـلـد ربـعـك وتحـكـم بـــلادي

تاخـذ معـى العشـاق مشـوار وتــرد
مثـل الكحيـلا فــي نـهـار الـطـرادي

أنا احسب ان القلب تايب عـن الـود
وثـره مــع العـشـاق تـايـه وغــادي

قفـيـت مـيـر القـلـب مشـغـول ويـلـد
يـمــك مفـرقـتـه دمــــوعٍ أجــــدادي

المرحوم مطلق الثبيتي



ــــــــــــــــــ




يابنت لو البحر يعرف غلاتك 
والا يقدر رجلك اللي وطت فيه 

حوته يموتٍ والسبب هي حلاتك 
طعمه تغير صار مثل العسل فيه

وقروشه تحضر لك وتطلب رضاتك 
.وتقول لك حاضر على اللي تريديه

واللولو والمرجان يطرز عباتك 
.ويقول ويش دوري وزينه مغطيه

والموج يسكن كله تقدير ذاتك 
يروح الهدير يصير صوت الدلع فيه

والا عروس البحر ان كان جاتك 
تقول لك خذي البحر وسكني فيه

تدللي يا بنت فدوت حياتك
انا فديتك يا بعد قلب مغلية

انت صغيره صدق لكن حلاتك 
زادت كثيراً والحلى الرب يعطيه

هي اسمعي بقول كلمه وجاتك 
احبكم ومن اجلك المر بشريه

بصبر على حالي وبطلب رضاتك 
وليا كبرتي الحال ربي يسويه

يا نرجس انا ابوك ماني حماتك 
لا تحرقي قلبي لك الله يخليه

ما هي محبه لي انا فديتك
لكن قلبي يالغلا ساكنه فيه

ــــــــــــــــــ

هلا ياعمري الحاضر . هلا ياحلمي اللي كان 
هلا يانشوة الخافق . هلا يانصفي الثاني 

أصوّر لك معاناتي ملامح مالها عنوان 
وإثير الموج من فيض المشاعر لين تقراني 

على بوح القصيد العف بقايا تنشد النسيان 
عن أحلامي عن أوهامي عن اللي سّبب أحزاني 

أشد القاف من واقع وانا في واقعي حيران 
وأسولف عن ألم جرحي من المجني من الجاني 

إهيّجن صوت قيفاني وصوتي بالقصيد أشجان 
على رجوى أمل كاذب أشوف الحلم يعصاني 

أترجم لوعة الذكرى .. حنين العاشق الولهان 
وأهيم بطيفك العابر وأعانق غربة أوطاني 

أحسك داخلي عالم بلا شاطيء بلا ربان 
وأعوم بموجك العاتي ولا أدري وين وداني 

خذاني لآخر الدنيا ويرسم في سماي ألوان 
تلّون لي بلون الطيف ونسيت بجوه ألواني 

حبيبي قولها لو كذب أبنسى لوعة الحرمان 
حبيبي كلمة أحبك تبدد فيك حرماني 

عليك الله وأمان الله وجاه الله عزيز الشأن 
تراك أقرب من أنفاسي وساكن وسط وجداني 

أشوفك جنة الدنيا . أشوفك روضة التحنان 
أشوفك حلمي الضايع وطيف البعد يحداني 

هدير الموج يأخذني وأنا الظامي وأنا الغرقان 
على شاطي غلاك اللي تمنيت وتمناني 

إحس بصوتك الدافي شعور الشاعر الانسان 
كأنه غيمةٍ تطرد سموم القيض بأغصاني 

أو أنك حرف والريشه تجسد صورة الفنان 
شعورً يعزف أحساس الغلا ويترجم الحاني 

أحبك كثر حبي لك وأنا له عاشقً ماخان 
وعزاي أني رسمتك للوفا بحروف قيفاني 


الشاعر فهد المجلاد

ــــــــــــــ

لك الله يالخفوق الصادق النيات
تقرّب لكن العربان مبتعده

على الله العوض في كل شيّن فات
وفي النزله *على شانك وف الصعده

وراح السبت ومن قبله كثير اسبات
يليت الي وعد .. مايخلف بوعده

وعدني قبلها بحاجات وبحاجات
ولا جاني من وعوده سوى بعده

***

يموت العمر قبل الموت من بعدين
عسى ربي يسامح من خذو فرحي

يقولون العرب لاتطرد المقفين
وانا اقول العرب ماجربو جرحي

***

ردني لك عشان الناس ماهو عشاني
فيه لحظه معاك .. أسامح الناس فيها

تعـــآل خذني 

ياوي النعاس لعين من يرغب بإيواء النعاس
وأنا مجلوي كل نعسة عين مع إني..سدر

العقل نعمه لكن أحياناًً يسبب انتكاس
يشوقك إن العقول الحين..ماقل وندر

أنا أفكر كيف ازيل المنحدر من الاساس
والأغبيا لاهين في لذة صعود المنحدر

تعبت لأني من هل الطولات صعيبين المراس
للي يحبون الوفا ولا يحبون الغدر

تعال..يابن آخي الغلا..ياهوه..ياعالم..ياناس
يافكر”ابن جدلان”ياتركيبتين من “البدر

يامعضلة تمشي على رجلين يا العشر الحواس
ياشاطب من ذاكرة تاريخي الوجه الودر

يا مطلع أهداف أجمل الغيد إلى “رمية تماس
يامهدف بقلبي ثمان أهداف من حب وقدر

تعال اخذني من يدين الهم ووجيه العماس
شوف العرب ضيقة صدر ومشاهدك وسعة صدر



الـــــودآع 

أنـت بتسافـر حبيبـي .. نعـم سافـر وغـيـب 
بـس تكفـا سـم بالله علـى عقلـي .. لا مـاع

لأن مـانـي قــادر آوادعــك وأنـتــه قـريــب
كيـف وأنــت بعـيـد تبغـانـي آقــول الــوداع

بس لحظه قبل لا أنسـى لاتنسـى يـا اللبيـب 
قـل لمـا تملكـه مــن مغـريـات ومــن مـتـاع

أنّـي آحبّـك وأحبّـك وأحبّـك .. لـيـن أشـيـب 
يعـنـي لـيـن آمــوت وآنــا أحـبّــك للـنّـخـاع

أحشمك وأغليك بالحيـل .. والشـي الغريـب
أنّـي أكـره كــل فـكـره تـقـودك .. لنصـيـاع

كـان مـال لمشكلـة وصلنـا الاّ حـل .. عيـب 
كـــب حبّـيـلـك وسـمّــه مـتـاهـات وخـــداع

لانّي أطهر مـن بيخسـر علـى الدنيـا حبيـب
ولأّنك أنقا من وطت بطن رجلـه ظهـر قـاع

كثـر مايدعونـي أهـل الهـوى ولا أستجـيـب
كثـر مـا صفّـط علـى بعـدك ذراع .. وذراع

آه لا وقّـفـت مــن بـيـن بتصـيـب وتـخـيـب 
بـيـن يـدّيـن المـوالـيـف وأفـــواه الـسـبـاع

وآه لامـنّـي ذكــرت أن كـلّـن لـــه نـصـيـب
وآه لامنّـي ذكـرت أن عـلـى وجـهـك قـنـاع

أشعـر أنّـه منخلـق مـن عسـل ورد وحليـب 
وأشعر أنّي كل ما أذكره .. مجموعـة جيـاع

ليـت مالـك فـي حياتـك خـويّ .. ولا طليـب 
كان بااخشّك وسط خافقـي وآآقـول .. ضـاع

أمحق الله سعو ولف الهيام . وقطـع صيـب
مـن يبكّـي مقلتيـن الشجـاع ابــن الشـجـاع

لو على البحرين شرهه . ودمعات . ونحيب
كـان مـا خلّتـك تقفـي عــن حــدود الـرفـاع

ولو جنيف أتحس في جرحي المـر العطيـب
كــان مــا تـاخـذك مـنّـي وتعطيـنـي ضـيـاع

وريدي

ياللي غرامك جاري في وريــــــدي 
لا وشـ غرامك جاري في وريدي

استغفر الله لو بقول انـ غرامـــــك 
ماباقي الا يطبع اسمك على ايـدي

لانك بصدري وانت مانته بصدري 
تطلع من انفاسي وترجع ياسيـدي

سعد علوش

ــــــــــــــــــ

اليا طلعت احس كني اشـــــــــوفك 
وانقص انفاسي ذكا ياضديـــــــدي


***

هو يا انا غلطان يا انت غلطان
او ان بيت الود ماعاد بيتك

اجيك متعومس ومرهق وتعبان
وارد منّك مثلني يوم جيتك

***

اكذب عليك ان كاني قلت ناسيك 
والا بعد حاولت ياروحي انساك 

تعيش فيني مثل ما اعيش أنا فيك 
حبك حياتي واعرف الموت فرقاك 

أنا وقلبي ياهوى البال بيديك 
وشلون اعيش ايام عمري بلياك 

لا تصدق اني قادر انسى واجافيك 
مهما حصل صعب اني انساك و أسلاك

ماتدري إني هايم وميت فيك 
ماتدري ان غايه سروري رضاك

اغليك من قلبي ومن روحي اغليك 
وافراح عمري تكتمل في ملقاك 

كلك حلى سبحان منهو مسويك 
يا مجملك في عين قلبي ومحلاك 

وزود على حسنك طبوع (ن) تحليكـ 
تفرقك عن هذا وهذا وذاك 

يكفيك مني يا هوى البال يكفيك 
اني محال انساك لو قلت بنساك