اقوى شعر غزل


شعر غزل 

قتيل من الهوى

روحي وما ملكت يداي فداهُ
شطراً حفظته لأجل من اهواهُ

حبه معي في داخلي احياء بهِ
انساهُ .. ؟ لا والله لن انساهُ


لا زلت في عهد المحبة باقين
لو شح في وصله وفي لقياهُ

يامن لقلبي اخذت قلبي مغلفٍ
كنت الدواء للقلب كنت مناهُ

عاهدتني تبقى معي وخذلتني
اواهُ .. من جرحٍ نزف اواهُ

قد ايقنوا اني قتيل من الهوى
وانا احسبني وخالقي اقواهُ

جاد الزمان وانا من الحُب تائهاً
اثنوا عليةِ .. وتارةٍ اهجاهُ

قالوا بأن الصبر مفتاح الفرج
والصبر مني مل وا إسفاهُ

لا اقبل علي الليل اخاطب وحدتي
والليلُ يجبرني على ذكراهُ

محبوبتن سكنت فؤادي وناظري 
كيف السبيل لوصلها عزاهُ

اتصفح الماضي

احن له واشتاق من كل الاعماق
والشوق يضناني وانا شبه خالي

وأتعمد غيابي على شان يشتاق
واثره لطيف الروح داله وسالي

ما يدري ان الدمع للعين حراق
وانا ذرفت الدمع من شان غالي 

لأجله تحملت العناء فوق الارهاق
حتى لذيذ الزاد ما فاد حالي

أتصفح الماضي على ذيك الاوراق
يرتاح بالي لا ذكرت وطرالي

اي والله انه غير لحد الافاق
وما غيره احداً بالمحبه صفالي

ياضيقة البارح ترا خاطري ضاق
ياليت صدري مثل صدر الشمالي

ما يعرف الضيقه ولا يطري فراق
مرتاح باله .. لو تطول الليالي

تبى الفرقا

مدري قسى الوقت ولا انك معي قاسي
طبعك تغير .. واشوف الوقت متغير

يا اقرب من الناس واقرب لي من انفاسي
قلي علامك قطعت الوصل يا صغير

يا احلى من الؤلؤ .. والمرجان .. والماسي
متى على الله تجينا يالغضي مسير 

شف صاحبك .. من عنا فرقاك منحاسي
عجل علاجه ترا عمر الشقاء صغير

حيثك طبيب الهوى يامصدر احساسي
والناس للناس وانت لصاحبك خير

قربك علاجـي .. وبعدك موجعٍ وراسـي 
مغير اهوجس بدون شعور واسير

مدري نسيت الوفـاء ولا انت متناسـي 
مابين طبي وجرحي صرت تتخير

العام تحرص على وصلي ومجلاسـي
واليوم اشوفك تبا الفرقا ومتحير

هذي عيوني

ان كان ودك تعرفي مسكنك وين
هذي عيوني وناظريها دقيقه

ترا مكانك يا منى الروح فالعين
واقسم قسم بالله هذي الحقيقه

مكانتك في وسط عيني لها سنين
ومحبتك في وسط قلبي غريقه

لانك ملكتي الروح يا كامله الزين
وانتي دواء للي جروحه عميقه

ومهما انتفارق ودي اليوم تدرين
ترا فراقك صعب مقدر اطيقه

ساهر على ذكراك والناس ممسين
ومن غيبتك فالقلب شبة حريقه

انوح من فرقاك وانتي تمادين
والله يعين اللي مضيع طريقه

هذا زعل يا بنت .. والا تغلين 
والا تسلي في فؤادي وتعيقه

ذقت العذاب اللوان وانتي تهنين
وصارعتها ايامي بـ همٍ وضيقه

وختامها بسألك متى تردين 
ترا فراقك صعب مقدر اطيقه4

ايشاً على اش

يابـنـت يـازيـن الدلـع والحـلا فـيــش 
سبحان من سـواش وتمم حـلاياش

محدن ترى مثلش بزينش يساويش 
وكل الصبـايا مــا يسـاوون ماطــاش

كلش على بعضش حلو جعلي أفديش
ويالعنبوا من لآمني أن قلت أنا أفداش

أغليش أنا يابـنـت بالـحيل أنا أغليش 
وأعيش بالدنيا لأجل خـاطــر أرضاش

أن قلت أنا ما أبيش أكذب أنا أبيش  
وأن قلت أنا ما أهواش لا والله أهواش

ودي أحطش في عيوني وأداريش
وأغمض عيوني لأجل دأيم اللقاش

دامش ملكتي مهجتي كيف أخليش 
وأنتي بوسط القلب ذكرش وطرياش

ياذا الدلع .. لاتحرقين بتغليش 
ياذا الدلع لاتحرميني من أحكاش

روفي بحال اللي يحبش ويغليش 
روفي بحال اللي على الكل بداش

وهذي قصيده قلتها لش على أيش 
أيشآ على أيشاً وأيشاً على اش

ولاشك انا ما أخطيت بأن الحلا فيش 
سبحان من سواش وتمم حلآياش

لاطول الغيبه

مشيتها رجلي على الشوك لرضاك
‎اخاطر بنفسي لجل بس اراضيـك 

‎واصارع الايام مـن شـان لقيـاك
‎واسئل نجوم الليل ياويـن الاقيـك 

‎يا صاحبي وينك عسى الرب يرعاك
‎لا طّول الغيبه ترا العيـن تبكيـك 

‎والقلب لك يا زين لاشـك يفـداك
‎ومدام قلبي لك انـا كلـي افديـك 

‎في ذمتي ماغيـري احـدٍ تمنـاك
‎وأكبر دليل افرح ليا حـل طاريـك 

‎ودنيـاي مافيهـا سعـاده بليـاك
‎لن السعـاده كلهـا منـك وفيـك 

‎اعيش انا اهواك وان مت انا أهـواك
‎وان كان موتي منْك ماني مجازيك 

‎بين العذارى مـا لقينـا مزايـاك
‎حوريـةٍ سبحـان ربٍ محلـيـك 

‎ما فيه مخلوقاً على الأرض يسواك
‎وفالكون كله مابه أحـداً يساويـك 

‎أدعج غنج والزيـن كلـه تبـلاك
‎ياسعد حظه يومـه الزيـن باليـك

سود الليالي

سلمت قلبي للغضي بين اياديه
وهذي على العشاق ماهي غريبه

احرص على وصله ودايم اداريه
بس المصيبه ما حسبت المصيبه

جيته صويب وتايه الفكر اناديه
والجرح ينزف واحسب انه طبيبه

واقفى وترك قلبي وضيع هقاويه
واللي حصل مافيه شكٍ وريبه

خلاص ابدفن ذكرياته وماضيه
وبدفن مع الذكرى جروحٍ عطيبه

ولا عاد يرجيني ولاني براجيه
حكم القدر هذا وهذا نصيبه

ولا عاد ابي قربه ولا اطيق طاريه
دامه كذا يا جعل ربي حسيبه

ومن ينكر العشره غدت به لياليه
وسود الليالي ما غدت به تجيبه

الموت الحمر

في ذمتي مالك مثل وبدنيتي مالك مثيل
انتي اجمل ما حصل مافيها طلبه ولا جدال

يا ام العيون الناعسه منك الجمال اصبح عليل
لان السبب من بعدك انتي اطلقوا اسم الجمال

سبحان من هو كملك وابدع في خلقك يا جميل
واضفى عليك من الغنج يا فاتنة بذاك الدلال

حسنك طغى فوق الطغى ومافيه شيٍ مستحيل
والشي الاعظم شامخة ..  لله درك كالجبال

وانا اعشقك ايه اعشقك والعشق ما يبغى دليل
لانك ملكتي خافقي وغيرك فلا يلقى مجال

عقلي غدى في مبسمك والقلب في حبك قتيل
وش حيلتي لا صرت احبك وارتجي منك وصال

يا غايتي يا فرحتي في صدتك لا لا تطيل
حالي تراها في نكد من صدك اللي لا يزال

بالمختصر ضاق الفضى بعيني وترا هذا قليل
وصدك هو الموت الحمر والله عليم بما يقال 

ادواي قربك 

لا ضاق صدري جلست اجر موالي
واسلي النفس لا كثرت طواريها

قمت اتسلى ودمع العين همالي
والعين ما تجحد الدمعه وتخفيها 

غريق فالهم والهاجوس غنالي 
مجبور اساير غثى الضيقه واغنيها

اصخر افكار شعري لين تحلالي 
وازفها مع نسيم الصبح واهديها

يا قلب هود شوي ووسع البالي
قدام دمعة عيوني ننفضح فيها

اثر المحبه شقى والبعد غربالي
وطرد العذارى دروب الكل يمشيها

يا وجد حالي بعد فرقاك يالغالي 
يا سم حالي من الفرقا وطاريها

هو ليه سميت حالي يا هوى بالي
وانهيت نفسي قبل مولاي ينهيها

وذوقتني كاس مرك وانكسر حالي
وارخصت روحي بعد  ما كنت تغليها

وانته تعرف الدواء والمر والحالي 
تفهم حياتي من اولها لتاليها 

ادواي قربك وبعدك دمر احوالي
الله حسيبك جروحي كيف اداويها

معاد اميز من الفرقاء واعزالي 
والناس تشكي ليا كثرت بلاويها

وانا اكتم السر ما اشكي غير للوالي
الواحد اللي دبيب النمل يوحيها

لاتزيدون العتب

مليت اجامل يا اهل الحب تكفون
النفس طابت من غثاكم وانا طبت

لا لا تزيدون العتب لا تزيدون
عرق النبات ان مات ما ينفع النبت

شيٍ يلوف القلب وانتم تشوفون
تعبت اجاري ضيم الايام والكبت

حنا على ما قيل .. وانتم تقولون
من قدم الجمعه يبا يحصل السبت


قلبي شكى

البعد ماله بيننا اليوم مصلوح 
وانا على فرقاك لا شك ما اقوى

قلبي شكى من لايع الهم والنوح
لا قلت هانت قدم القلب شكوى

وان جيت لك مشتاق عودت مجروح
الله بلاني .. في محبتك بلوى

مافيه داعي للزعل يا هوى الروح 
وكثر التغلي ماله اليوم جدوى

مسموح يا سيد الغنادير مسموح
جرحٍ جرحته يالغلا كنه اشوى

ماله شبيه

نسري عقب ما لاعنا لايع الشوق
وصدورنا من شوق الاحباب ضميا

على الذي له زين مبسم ومنطوق
ماشفت غيره لاجله العين عميا

ماله شبيه صويحبي منبع الذوق
العنق عنق الريم وعيون عليا 

مخلوق يسوا له ثمانين مخلوق
والله رماني في هوى الزين رميا

حبه تمركز داخل القلب من فوق
والبعد يكوي قلب مغليه كويا

نبا نسوق الجيب في يمته سوق
اما وصلنا سر .. ولا علنيا 

مخنوق انا من ضيقة البعد مخنوق
البعد موحش يطوي الحال طويا

يا صاحبي حاول على القلب برفوق
زعلك يشو القلب يا زين شويا

خلف بن فيحان